OH WHATEVER NEVER MIND: name

Showing posts with label name. Show all posts

Thursday, July 5, 2012

கருப்பு HB பென்சில் கொடுத்து

வானவில் வரையச்சொன்னேன்,

மழையை வரைந்துவிட்டு

"பினிஷ்ட்" என்றது குழந்தை..

"வானவில் எங்கே?" என்றேன்

"மழை நிற்கும் வரை இரு

வானவில் வரும்.." என்றாள்!

விடுமுறைக்கு இந்தியா சென்ற

அமெரிக்க வாழ் இந்தியர்,

"இங்க இந்தியன் புட் எங்கே கிடைக்கும்?" என்றார்!

இதற்கு முந்தின வரியில் ஆரம்பித்த

இக்கவிதை,

இதற்கடுத்த வரியில்

முடிகிறது...

மலை உச்சிப்பாறையில்,

கல்லூரி மரக்கிளையில்,

பள்ளிக்கூட கரும்பலகையில்,

தியேட்டர் கழிவறையில்,

மரீனா கடற்கரையில்,

பல ஆயிரம் முறை காலேஜ் நோட்ஸில்,

பார்க் பெஞ்ச்சில்,

சுதந்திரமாய் சுற்றித்திரிந்த எனது பெயர்,

கார் ஜன்னல் பனியிலும்,

மானிட்டர் தூசியிலும்,

முடங்கிக்கிடக்கிறது.