ஹைக்கு - 3

புதைவெளியில் 

நடைபயிலும் 

என் கூடு 

ஹைக்கு - 2

அமெரிக்க மார்கழி 

ஜில்லேனக்காற்று 

இலையில்லா மரம்..

கவிதை அல்ல.. ஆக்கிக்கொள்ளலாம்... - 16

3 வயது 

...அல்லது

100 செ. மீ.

...அல்லது

அம்மாவின் நேர்மை

-அரை டிக்கெட்

கவிதை அல்ல.. ஆக்கிக்கொள்ளலாம்... - 15

உன் பிள்ளை மண்ணை உண்டால் 

உடனே வாயை திறக்கச்சொல்..

வையகம் தெரியாவிடில்

ஐயமே இல்லை..

நீ யசோதை இல்லை!

கவிதை அல்ல.. ஆக்கிக்கொள்ளலாம்... - 12

கருப்பு HB பென்சில்  கொடுத்து 

வானவில் வரையச்சொன்னேன்,

மழையை வரைந்துவிட்டு

"பினிஷ்ட்" என்றது குழந்தை..

"வானவில் எங்கே?" என்றேன்

 

"மழை நிற்கும் வரை இரு

வானவில் வரும்.." என்றாள்! 

கவிதை அல்ல.. ஆக்கிக்கொள்ளலாம்... - 8

மயிலில் உலகையே சுற்றி வந்த முருகனிடமிருந்து 

அம்மை அப்பனை மட்டுமே சுற்றி, மாங்கனியை,

விநாயகர் வென்ற போது, 

அருகில் இருந்த நாரதர் தலையில் அடித்தபடி சொன்னார் -

"என்ன கொடுமை சரவணன் இது?!"

PS: This is apparently the best mokh-ka-vithai I have written so far :) closely followed by this

கவிதை அல்ல.. ஆக்கிக்கொள்ளலாம்... 7

புதிதாய் வந்திறங்கிய 

ஏரோப்ளேன்..

ஹெலிகாப்டர்..

இரண்டு பஸ்..

நான்கு கார்கள்..

ஒரு கண்டைனர் லாரி..

புதிய மாடல் மோட்டார் சைக்கிள் ..

ஏழு கோச் கொண்ட ரயில்...

என எல்லாவற்றையும் லாவகமாக ஓட்டிவிட்டு,

கடைசியாக 

என்னையும்  யானை   ஆக்கியது 

- குழந்தை..

பேஸ்புக் நட்பு

அலைபேசியில் 

குவிந்திருக்கும் எங்களை 

கடக்கையில், அடிவாரத்தில்,

கடந்துபோகும் நண்பனின் முகம்..

அழைக்கலாம் என எத்தனிக்கையில் 

தடுத்துவிடுகிறது 

போன முறை அழைக்காத 

குற்ற உணர்வு..

*****

மறுநாள்

முகப்புத்தக சுவற்றில் 

"ஹாய் டா மச்சான்...எப்படி இருக்க?"